Sýnir okkur augljósa úrkynjun fjórflokkakerfisins

Þegar að þau Ragnar Árnadóttir og Gylfi Magnússon voru ráðin í ráðherrastörfin fannst mér það hið besta mál.  Mér fannst mikilvægt að fá faglega ráðna ráðherra og taldi það hljóta að vera betri kost.  Síðan hef ég auðvitað fylgst með þeim og fundist margt gott sem þau gera þó auðvitað sé ég ekki sammála öllu.  Á heildina litið hefur mér líkað við þeirra vinnubrögð.

Í gær rann upp fyrir mér hvers vegna mér líkar þeirra vinnubrögð, þau eru laus við þetta flokkspólitíska þras.  Nálgun þeirra á viðfangsefnin er faglegri en maður á að venjast af stjórnmálum.  Það verða auðvitað aldrei allir sammála um ákvarðanirnar en ef þær byggja á faglegum grunni hlýtur það að vera betra en ef þær byggja á pólitískum grunni.

Hvað kostar það þjóðfélagið að hafa flokkaráðherra? Sennilega hafa þau Ragna og Gylfi meiri tíma í sín ráðherrastörf.  Hefðbundinn flokkaráðherra er oftast að sinna öðrum verkum líka eins og  formennsku eða varaformennsku, þingstörfum og svo má ekki gleyma að allir eru þeir fjölmiðlafulltrúar sinna flokka og í harðri baráttu við hina flokkana. 

Ragna og Gylfi eru einnig með menntun í samræmi við ráðuneytin sem þau bera ábyrgð á.

Ef einhverjar breytingar verða gerðar á fjórflokkakerfinu (hef enga trú á að svo verði) ætti að fjölda faglega ráðnum ráðherrum.

Athugasemdir

[Jón Valur Jensson, 15.2.2010 kl. 10:29]

Ragna Árnadóttir er eina manneskjan á Íslandi, sem látið getur lögsækja Össur Skarphéðinsson fyrir brot á 2. tölulið 91. greinar athyglisverðasta kaflans í almennum hegningarlögum lýðveldisins. Hvers vegna hefur hún ekki gert það?

[Árni Gunnarsson, 15.2.2010 kl. 11:15]

Ragna og Gylfi eru auðvitað í fjötrum hins pólitíska starfskerfis fjórflokksins og hafa komist furðu vel frá því. En auðvitað má sitthvað finna til sem þau hefðu átt að gera betur. Síðan er auðvitað hin kerfisþrædda háskólamenntun mikil fötlun allri frjálsri hugsun og heilbrigðri skynsemi.

[Tómas Einarsson, 15.2.2010 kl. 12:01]

Menntun dregur nú ekki úr hæfni fólks en ein og sér dugar hún takmarkað.  Blanda af menntun, reynslu og þroska er sennilega ákjósanlegasti prófíllinn.

[Gulli (IP-tala skráð) 15.2.2010 kl. 23:10]

“It is a miracle that curiosity survives formal education.”
Albert Einstein