Reikningur uppá hundruði milljóna fyrir skíðaferð stjórnenda Landsbankans!!!

Ég hef eftir 100% heimildum að 12 stjórnendur LÍ hafi farið í skíðaferð (til Frakklands) ásamt mökum og skilað inn reikningi uppá mörg hundruð milljónir.  Upphæðin var svo há að ég átti fyrst bágt með að trúa henni en heimildirnar eru það traustar að ég get ekki annað en trúað þessu.  Þar voru liðir eins og:
Skíðakennsla: 3 milljónir
Barinn á hótelinu: 21 milljón

Rannsóknanefndin á m.a. að hafa upplýsingar um þetta.  Kannski er þessi mynd úr þeirri ferð. 

http://silfuregils.eyjan.is/2010/02/16/glatt-a-hjalla/

En kostnaðurin var svo stjarnfræðilegur að manni dettur einungis peningaþvottur og/eða monkey business LÍ með JAJ, PH og þ.h. fólki.

Sigurjón og Elín lenda eiga eftir að lenda í miklum vandræðum, það er alvega á hreinu.  En vitið þið hvort sonur Elínar sé enn í skilanefnd Landsbankanns?

Síminn hringir.

Ásbjörn Ó: "Já, sæll, er þetta Bjarni?  Þetta er Ási hérna, æi, það er smá mál í uppsiglingu.

Bjarni B: "Nú, hvað er í gangi"

Ásbjörn Ó: "æi, við konan greiddum okkur smá arð, vildum koma okkar málum á hreint, þú skilur.  Vera ekki með öll eggin í sömu.. þú veist.

Bjarni B: "Ok, gott mál.  Maður verður að hugsa um sín mál"

Ásbjörn Ó: "jááá..., en við greiddum okkur arð af tapi!"

Bjarni B: "Ó, ehh..., ég ætla að hringja í einn viðskiptafélaga og hringi í þig á eftir"

Bjarni B: "Halló, Kalli?, sæll Bjarni hérna"

Karl W: "Blessaður gamli, allt í góðu?"

Bjarni B: "smá vesen, einn af þingmönnunum mínum greiddi sér arð af tapi, þetta gæti orðið ljótt mál í fjölmiðlum"

Karl W: "hei, arð af tapi, big deal!  Við gerðum þetta með Sjóvá og þetta er ekkert mál.  Hafðu engar áhyggjur"

Bjarni B: "gott að heyra, það er rétt hjá þér.  Þakka þér, pabbi og frændi biðja að heilsa!"

Bjarni B: "Ásbjörn!, sæll Bjarni hérna.  heyrðu, þetta verður ekkert mál, við tökum bara "þögnina" á þetta og svæfum málið.  Ekki tjá þig meira í fjölmiðlum og þetta fjarar út á 1-2 vikum.  OK?!"

Ásbjörn Ó: "Glæsilegt!  Heyrðu, hann Tryggvi Þ. er hérna, hann langar að tala við þig, eitthvað Askar vesen í uppsiglingu"

Bjarni B: "Æi, hef ekki tíma núna.  Segðu honum að taka bara "þögnina" og "Ekki gera neitt" á þetta og þjóðin gleymir þessu á mettíma.

Ásbjörn Ó: "geri það. Vá!  Frábært þetta nýja Ísland.  Tryggvi! Viltu meira kakó?...., hei, Bjarni við Tryggvi eru að fara að vinna, heyrumst!"

Hversu lengi eigum við að þola þetta siðleysi í þjóðfélaginu???

Jóhanna er komin heim úr fríinu til að stjórna landinu.  En hún hefur ekki stjórn á landinu og hefur enn ekki sýnt neitt sem gefur til kynna að hún ætli að stjórna landinu.  En hver gæti stjórnað?

Steingrímur J.?  Eitt af því fyrsta sem hann sagði sem fjármálaráðherra var að hann ætlaði ekki að skipta sér af ákvörðunum bankanna, það væri ekki verk pólitíkusa.  Þetta er voða flott sagt og það vissu leiti rétt ákvörðun EN EKKI Í ÞESSU STRÍÐSÁSTANDI SEM RÍKT HEFUR HÉR FRÁ HRUNI!!!!  Enda leika bankarnir nú lausum hala með kúlulánsþegana (Finn Sveinbjörnsson og fleiri) í broddi fylkingar.

Bjarni Ben?  Hann er of tengdur bröskurum þessa lands og hann hefur ekki getað með trúverðugum hætti sannfært mig um að vera alveg saklaus.  Hver veit hvað á eftir að koma uppá yfirborðið.  Svo er hann að halda hlífðarskildi yfir þingmönnum sinum sem hafa brotið lög og sýnt eindæma siðblindu (sbr. Ásbjörn Óttarsson og Tryggva Þór Herbertsson).

Sigmundur Davíð?  Það sama má segja um hann og Bjarna.  Vafningar!  Svo hafa framsóknarmenn þessa lands farið offari síðustu ár og komast upp með ótrúlega samtvinnun stjórmála og viðskipta sbr. Finn Ingólfsson, Ólaf Ólafsson.  Afhverju er engin að tala um Finn Ingólfsson?

Hreyfingin? Hmm... getur varla stjórnað sjálfri sér en þó koma þau Þór Saari og Birgitta Jónsdóttir með ferska vinda inn í dauninn á Þinginu.

Ef Steingrímur hefði aðeins meiri kjark væri hann sennilega sá eini sem gæti tekið almennilega til í landinu en hann er búinn að vera of lengi á þingi og er að reyna að beita hefðbundnum aðferðum á óhefðbundin vandamál. 

Það er erfitt að hafa trú á því að hægt verði að reisa sómasamlegt Ísland úr rústum hrunsins.  Horfandi uppá óhæfa stjórnmálamenn agndofa yfir siðlausum bankamönnum.  Sannarlega vona ég að skýrsla rannsóknarnefndarinnar sé vel unnin og hjálpi okkur í viðreisninni.  Það að einugis 12 einstaklingar fengu send bréf vegna andmælaréttar boðar ekki gott að mínu mati. 

Það fé sem lagt var inn á Icesave reikningana var flutt daglega til Íslands!  Það er staðreynd.  Íslendingar hafa skuldbundið sig til að greiða þetta fé til baka, sem er ótækt að mínu mati.  En við erum búin að samþykkja það, því miður!

En þar sem að við, þjóðin, erum nú að taka á okkur að greiða "tapið" á meðan að "hagnaðurinn" var einkavæddur, finnst mér við eiga rétt á því að vita í hvað þessir peningar fóru.

Við eigum að fá að vita nákvæmlega í hvað Landsbankinn var að lána fé.  Bankaleynd er fín og við (þjóðin) skulum öll skrifa undir yfirlýsingu um að fara með þessar upplýsingar sem trúnaðarmál, rétt eins og starfsmenn og undirverktakar bankanna þurfa að gera.

Það var alveg vitað að Ólafur R. gat ekki látið þetta tækifæri framhjá sér fara.  Hann er faðir þjóðarinnar og veit betur en við öll hin.

Mín tröllatrú á Steingrími J. átti undir högg að sækja í þessu máli.  Var hann virkilega að fara að steypa okkur útí skuldafen með því að koma þessu frumvarpi í gegnum þingið?  Satt best að segja trúði ég því varla en ég var sannfærður um að hann hefði sínar ástæður.

Nún upplýsir Eiríkur Tómasson okkur (í aukafréttatíma ruv) að í þessum samningum við Breta og Hollendinga séu undirliggjandi ákvæði sem ekki er hægt að greina frá.

Við Íslendingar verðum að átta okkur á því að við getum ekki alltaf gert alla hluti eftir okkar eigin höfði, við erum hluti af alþjóða samfélagi og verðum að lúta þeim leikreglum sem þar gilda.  Ef bankarnir hefðu haft það líka að leiðarljósi værum við ekki í þessum miklum vandræðum í dag.

Þjóðin mun aldrei geta fengið í hendurnar allar forsendur samninganna, hvorki Bretar né Hollendingar munu samþykkja það.  Það leiðir til þess að við tökum ákvörðun án fullnæjandi forsendna og það veit aldrei á gott.

En tíminn mun leiða í ljós hversu gáfuleg þessi ákvörðun Ólafs R. var og er.  Ég gef henni falleinkunn.